Gå til innhold

Norgga lágas ja riikkaidgaskasaš soahpamušain leat sápmelaččaid vuoigatvuođat dohkkehuvvon. Jos sápmelaččaide galgat nagodit dásseárvosaš bálvalusaid addit, de lea dárbu ahte ásahusain lea sámekultuvrralaš ja -gielalaš gelbbolašvuohta.

Duŧkamat ja vásáhusat čájehit baicce ahte bálvalusásahusain lea uhccán máhttu, dahje eai ávkkástala dan máhtu mii sis lea, go lea sáhka bálvalit sápmelaččaid.

Iešsorbmen, veahkaválddálašvuohta, illasteapmi, mielladearvvašvuohta, dásseárvu ja seksuálalaš orienteren leat áššit ja fáttát maiguin RVTS Nord bargá. Dát áššit leat ožžon eanet politihkalaš ja servodatlaš fuomášumi Norggas maŋimuš jagiid.

Mii veahkehit ja fállat gelbbolašvuođa iežamet fágasurggiin, vai almmolaš ásahusain lea dárbbašlaš máhttu addit buriid ja dásseárvosaš bálvalusaid sápmelaččaide.